HSI 奇遇記

From 斯神： 即日走勢預測︰ 早段向下沖一沖落去補裂口多少少 -> 反彈 -> 下午再睇 中午更新： 今早如預期先回後上，暫時388/升跌比例/ 市寬所有野都差少少，如果要博下午繼續v 上去似乎唔係太合理，不過個市今日個低位已經非常「似」今周低位，呢d「似」轉勢既位要有耐性多少少先，下午都係停一停手繼續觀望多一陣比較好。 然後睇番收市，如果指數能夠收在26544樓上收的話，好倉先可以小量過夜，博見左低位，唔得的話，都唔好淡倉過夜住，因為已經好接近短線超賣，聽朝再玩過。 泰之回顧： 一早見到即日市寬麻麻，但總係覺得斯神話RSI 2 接近 < 10，所以好早就開左個好倉，亦都好有紀律用105點做為止蝕，以為補左小小裂口，就夠。點知再跌多100 - 120點，就Hit 中左個SL。但再肉眼望多次RSI 2，當時約略為7，所以覺得好大可能見底，又再一次開倉。今次就開倉，最多50點drawdown，之後就有個好的反彈，亦都食半推半，最後始終個市係弱市，向下。結果，最後個一半倉都hit 中左個止蝕盤。Overall，上下午拉埋輸小小，輸$162。但今日值得一讚個個紀律。

  From 斯神： 即日走勢預測︰ 早段向下沖一沖落去 -> 反彈補裂口 -> 下午再跌 中午更新： 今日如預期低開後先回補裂口，再回調，暫時黎講去到中午數據係一半半姐，無咩特別太好做上或者做落，大家不如休息下先。 同埋今日如果keep 住呢個位或者以下收市rsi 2 都會非常接近10，所以都唔好淡倉過夜，不過，如果指數上得番26640樓上，好倉先可以考慮小量過夜。 泰之回顧： 一開始預計過夜倉會沖向下，所以HSI沖下無耐就平左過夜倉。另外，預計之後有機會補裂口，再向下沖，根據上星期的記錄，預計大約會補 100 - 150點裂口，所以係大約100點左右就開Put(4lots)。好順利今日係向下順勢，都無乜食到Drawdown。但今日全日波幅細，個盈利亦都已經係最大化。算係不錯的操作。今日亦都有一樣做得好，就係一開倉就set jor 105點做止蝕。

  From 斯神： 即日走勢預測︰ 早段回一回補裂口 -> 反彈 中午更新： 今朝如預期高開後補裂口，不過暫時睇今日上午數據好麻麻地，市寬/升跌比例/ 388 所有野都轉差，不過今日成交唔大，所以行了350點的情況下，我自己唔會再PUT，但都未必好值得做反彈，所以不如休息下算啦。收市留意番隻388 ，如果上唔番439.6 或者恆指 上唔番27094，好倉都唔可以過夜，什至可以考慮小量淡/ 或今晚夜期彈高淡。 泰之回顧： 1. 以為一開始個市寬唔錯，有成500以上，一心諗住好似斯神所講，補裂口就買上。結果真係補左，都買左2注(10lots)，之後諗住可以再搏上，就再買0.2lots，但結果，又係無乜點止蝕，個倉今日就蝕左成2591。 2. 下午本來有機會可以無輸咁多，但一直都有僥倖的心，以為可以搏上，但結果就係輸到甩褲。 一定係順勢先加注，個回調太深，就只能輕注搏上。

  From 斯神： 開市預測： 即日走勢預測︰ 早段向上沖一沖補裂口多少少 -> 回調 - > 下晝再睇 中午更新： 今日如PATREON 所講先抽高後回，都係中，今朝果個好大機會係今周高位，暫時睇即日下午可能搵多個全日低位就可以試下博反彈，參考期指26830，防守26780，不過因為升跌比例比較差，所以我估唔轉燈機會大少少，除非388 能夠收在436.8樓上或者指數上得番26972 樓上，好倉先可以過夜，否則唔好過好倉夜。

  From 斯神： 開市預測： 即日走勢預測︰ 早段向上沖一沖 -> 回調補裂口 -> 下午再睇 中午更新： 強，今日回補完個即市裂口就已經再上，暫時升跌比例同走勢都幾好，所以都係等回再買上，參考期指27060防守27010，3點後見位唔好做啦，如果指數跌番落26971樓下收，好倉傾向唔過夜，否則可以繼續小量過。 呢度比番個UPDATE 大家先，頭先中午阿爺突然出招收緊孖展，令到我頭先中午的計劃都亂左D，而中午番黎之後阿爺/港股都即跌，暫時去到呢D 位即日操作唔係太好做，比較好係睇住收市，如果收市指數上唔番26970 收，好倉不可以過夜，預阿爺回多兩日。如果得既，都係小量過夜好倉算。

  是日數據： From 斯神： 開市預測： 即日走勢預測︰ 早段向上沖一沖 -> 回調補裂口 -> 下午再反彈 中午更新： 尋晚過夜中，今朝沖高位都中，回調都中，裂口未補哂，暫時睇升跌比例同市寬都重係唔錯，傾向下午搵位繼續買上，參考期指26825，防守26775，3點後見位就唔好做啦，近收市睇番隻388，企到430樓上，好倉先可以繼續再小量過夜。 泰之回顧： 今日明顯係做晒周波幅，都中左斯神估頂之位。雖然自己有put，但都太早開put，同埋無留意已經係到左周波幅。另外，見到即日升跌比例唔錯，一心打算搵位Call上，但最重要都係分析當日個走勢。下午有跟斯神買上的策略，亦都有食半，同Push左上去，呢個係做得唔錯，因為食個個位，已經係當日下午高位。

  是日數據： From 斯神： 開市預測： 即日走勢預測︰ 早段回調補部份裂口 -> 反彈 中午更新： 今日明顯都中嫁啦，先回後上，頭10分鐘就似乎回左個全日低位出黎，暫時走勢﹑升跌比例都算合理，無貨下午繼續等回調再買上，參考期指26384，防守26330，3點後見位就唔好做啦，如果指數收低過26376，好倉不過夜機會大少少，否則仍可少量好倉過。 泰之回顧： 今日開市等補左裂口，就入齊注碼。但見到市寬圖，都係大約正150 - 200，以為個勢好弱，就好早分段食晒。估唔到今日係行足個整日420點波幅有多。 失策地方之一：無等到250點幅或以上先食部份，太受心情影響，要相信數據。 失策地方之二：又係盲中中，又做反勢，雖然活躍熊被殺，但個勢明顯仲可以上。 失策地方之三：斯神話可以過夜，但自己無過到。

  From 斯神： 開市預測： 即日走勢預測︰ 早段再升多少少 -> 回調補裂口 -> 下午再升 中午更新： 今日如patreon預期，升番少少之後有個回調補裂口情況，初步睇今日數據麻麻地，下午可能有機會回多少少，所以淨係即日黎計，下午係反彈加沽會比較好，參考期指25420，防守25470，3點後見位就唔好做，如果388 收番上416.8樓上或者指數收係26361樓上，淡倉都唔可以過夜，否則都係少少就好，因為市寬重上緊。 泰之回顧： 今日話首要一件事係 話 俾自己聽只做順勢，今日見應該係先補裂口再買上，結果同斯神講野吻合，好快就有profit，並預定左大約日波幅上到180點左右就食一半，亦都好好彩食左一半，另外就推上左另一半去Breakeven，以為有機會再升100點再食埋另一半，但可惜的是結果上到26445，就回 調，再打中埋個Stop Loss。下午無出到手。今日so far，完全係控制之內，跟住自己節奏去試。 要改善地方： 俾多小小耐性，買入位可以再好D。 Profit/Loss Screen Capture：

  From 斯神： 開市預測： 即日走勢預測︰ 早段再回多少少 -> 反彈 -> 下午再睇 中午更新： 今日大市好強，係無北水下夾升的情況，暫時數據上都係偏好，下午可能做上多少少做全周波幅，睇下有無機會回番多少少再買上，參考期指26143，防守26090，3點後見位就唔好做，除非下午指數跌穿26034 樓下收，否則好倉可少量過夜。 泰之回顧： 今日又衰想反手，搏佢日波幅300點左右回，又係做逆勢，最唔應該做的是，打算為了打和，見戶口不斷蝕，就開左不斷反手倉，結果輸到PK。 附上輸到柒彩CFD圖： 本來個戶口曾經去過23000，結果又回到資金起點。今日臨收市本來有機會以輸2500收場，但係腦海不斷說服自己下星期北水返來，就可以反敗為勝，於是最後持有到16:29左右，最後才說服自己平倉。 之後Trading日子，開倉就要想好止蝕位，同埋暫時只做順勢，不做逆勢。最多開2個倉位。若果本身Plan係逆勢，最多只開一個倉位，最多也是輸大約$1500，但就為了單純要打和，不理會逆水行舟，結果差點迎來滅頂之災。